కేరళలోని కొచ్చి అంతర్జాతీయ విమానాశ్రయం ఈ రోజు మధ్యాహ్నం తిరిగి ప్రారంభమైంది. రాష్ట్రంలో సంభవించిన భారీ వరదల కారణంగా విమానాశ్రయ పరిసరాలు, రన్‌వేలపై విపరీతంగా నీరు చేరడంతో విమాన రాకపోకలు కొనసాగించే పరిస్థితి లేక విమానాశ్రయాన్ని 15 రోజుల పాటు మూసివేశారు. దేశంలోనే అత్యంత రద్దీగా ఉండే విమానాశ్రయాల జాబితాలో ఏడో స్థానంలో ఉన్న కొచ్చి ఎయిర్‌పోర్ట్‌లో ఆగస్టు 14వ తేదీ నుంచి విమానాల రాకపోకలు పూర్తిగా నిలిపేశారు. అహ్మదాబాద్‌ నుంచి వచ్చిన ఇండిగో 667 విమానం మధ్యాహ్నం రెండు గంటలకు కొచ్చికి వచ్చింది.