లింగుస్వామి దర్శకత్వంలో విశాల్ 'పందెంకోడి2' తెరకెక్కుతోన్న సంగతి తెలిసిందే. విశాల్ సరసన కీర్తి సురేష్ జతకట్టనుంది. వరలక్ష్మీ శరత్‌ కుమార్‌ కీలక పాత్ర పోషిస్తున్నారు. విశాల్‌ ఫిల్మ్‌ ఫ్యాక్టరీ పతాకంపై విశాల్‌ నిర్మిస్తున్నారు.

ఈ సినిమా షూటింగ్ ఇటీవలే పూర్తయ్యింది. తాజాగా, ఈ సినిమా ఫస్ట్ లుక్ ని విడుదల చేసింది చిత్రబృందం. రేపు టీజర్ ను రిలీజ్ చేయనున్నారు. ఇక, ఇటీవలే సినిమా షూటింగ్ పూర్తయిన సందర్భంగా దర్శకుడు లింగుస్వామి చిత్రబృందంలోని కొందరికి బంగారు నాణేలు కానుకిచ్చిన సంగతి తెలిసిందే.

తెలుగు, తమిళ భాషల్లో తెరకెక్కిన ఈ చిత్రం అక్టోబర్‌ 18న ప్రేక్షకుల ముందుకు రానుంది. ఈ చిత్రానికి యువన్‌ శంకర్‌ రాజా సంగీతం అందిస్తున్నారు.