ఫ్లై దుబాయ్‌ తమ ప్రయాణీకులు సరైన సమయంలో ఎయిర్‌పోర్ట్‌కి చేరుకోవాల్సిందిగా విజ్ఞప్తి చేసింది. సరైన సమయానికి రాకుండా, ఒకేసారి ప్రయాణీకులంతా ఎయిర్‌పోర్ట్‌కి చేరుకోవడంతో తాత్కాలిక రద్దీ ఏర్పడుతోందనీ, దీని ద్వారా ప్రయాణాలకు ఇబ్బంది కలుగుతోందని ఫ్లై దుబాయ్‌ అధికారులు వెల్లడించారు. ఈ వారాంతంలో 12 వేల మందికి పైగా ప్రయాణీకులు ఫ్లై దుబాయ్‌ విమానాల ద్వారా అమ్మాన్‌, బీరుట్‌, జెడ్డా, మస్కట్‌ మరియు శ్రీలంకకు ప్రయాణిస్తారని అంచనా వేస్తున్నామనీ, ట్రాఫిక్‌ సహా అనేక ఇబ్బందులు తలెత్తకుండా, ప్రయాణాలకు ఆటంకాలు కలగకుండా ఉండాలంటే ముందస్తుగా విమానాశ్రయానికి చేరుకోవడం మంచిదని ఫ్లై దుబాయ్‌ అధికారులు సూచన ప్రకటన విడుదల చేశారు. గంట ముందు చెక్‌ ఇన్‌ వుంటుందనీ, ఆన్‌ లైన్‌లో చెకిన్‌ సౌకర్యం వున్నప్పటికీ, బ్యాగేజ్‌ చెకింగ్‌కి గంట సమయం పడుతుంది గనుక, ఫ్లైట్‌ డిపాచ్యూర్‌కి గంట ముందే, వీలైతే ఇంకా ముందే ఎయిర్‌పోర్ట్‌కి చేరుకోవాల్సి ఉంటుందని అధికారులు వివరించారు. హోవర్‌ బోర్డ్స్‌, బ్యాలెన్స్‌ వీల్స్‌ వంటి లిథియమ్‌ బ్యాటరీ వస్తువులను విమానాల్లోకి అనుమతించరు. లిక్విడ్స్‌, ఏరోసోల్స్‌ మరియు జెల్స్‌ పూర్తిగా రీసీల్‌ చేయబడ్తాయి. ప్రయాణీకులు ఇవన్నీ గుర్తించగలరు.