బహ్రెయిన్: 22 ఏళ్ళ బహ్రెయినీ వ్యక్తి, ఆసియాకి చెందిన మరో వ్యక్తిపై దాడికి దిగాడు. తన కారుని ఆసియాకి చెందిన వ్యక్తి ఓవర్‌టేక్‌ చేశాడన్న కారణంగానే బహ్రెయినీ వ్యక్తి దాడికి పాల్పడినట్లు తెలుస్తోంది. ఆ సమయంలో ఆసియాకి చెందిన వ్యక్తి కారులో నలుగురు స్నేహితులు కూడా వున్నారు. సల్మాబాద్‌లో బహ్రెయినీ వ్యక్తి తన కారుని నెమ్మదిగా నడుపుతూ, తమ వాహనం ముందుకు పోవడానికి అనుమతినివ్వలేదని బాధితులు పేర్కొన్నారు. ఎలాగోలా వాహనాన్ని దాటించే ప్రయత్నం తాము చేయగా, వేగంగా కారు నడుపుతూ బహ్రెయినీ వ్యక్తి తమను అడ్డగించి, రోడ్డుపై దాడి చేశారని పోలీసులకు ఇచ్చిన ఫిర్యాదులో బాధితుడు పేర్కొన్నారు. పోలీసులు కేసును విచారిస్తున్నారు.