మస్కట్‌: అరబ్‌ జాతీయులు ఇద్దరు, బ్యాంక్‌ కస్టమర్ల వద్ద నుంచి డబ్బుని దొంగిలిస్తున్న అభియోగాల నేపథ్యంలో అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించింది. పెద్ద మొత్తంలో డబ్బుని బ్యాంకు నుంచి 'విత్‌ డ్రా' చేసే వినియోగదారుల్ని గుర్తించి, వారిని ఫాలో అవుతూ, వారు ఆగగానే దొంగతనానికి పాల్పడటం నిందితులకు వెన్నతో పెట్టిన విద్య. వాహన అద్దాలు పగలగొట్టి, దొంగతనాలకు పాల్పడుతున్నట్లు నిందితుల గురించి పోలీసులు చెప్పారు. సెర్చ్‌ అండ్‌ ఇన్వెస్టిగేషన్‌ అనంతరం ఇద్దర్ని అరెస్ట్‌ చేశామని రాయల్‌ ఒమన్‌ పోలీస్‌ తెలిపారు. పౌరులు, నివాసితులు బ్యాంకుల నుంచి డబ్బుల్ని తీసుకునేటప్పుడు అప్రమత్తంగా వుండాలనీ, డబ్బును తమ కార్లలో వదిలిపెట్టడం, భద్రత లేకుండా వుంచడం చేయకూడదని పోలీసులు సూచించారు.