యెమెన్‌ నుంచి హౌతీ తీవ్రవాదులు పేల్చిన మిస్సైల్‌ని సౌదీ అరేబియా భద్రతాదళాలు కూల్చివేయడం జరిగింది. ఈ ఘటనలో 26 మందికి గాయాలయ్యాయి. రియాద్‌ లెడ్‌ కోలిషన్‌ ఫైటింగ్‌ ఈ ఘటనను ధృవీకరించింది. గాయపడ్డవారిలో ఇద్దరు చిన్నారులు ఉన్నారు. సదరన్‌ సౌదీ సిటీ నజ్రాన్‌ వైపు తీవ్రవాదులు ఈ మిస్సైల్‌ని సంధించారు. 2015 నుంచి ఇప్పటిదాకా సుమారు 185 మిస్సైల్స్‌ని యెమెన్‌ తీవ్రవాదులు సౌదీ వైపు సంధించారని సౌదీ స్టేట్‌ మీడియా పేర్కొంది. ఇరాన్‌ మద్దతుతో హౌతీ తీవ్రవాదులు యెమెన్‌లో చెలరేగిపోతున్నారు. ముఖ్యంగా సౌదీ అరేబియాపై మిస్సైల్స్‌ సంధిస్తూ మారణహోమం సృష్టించేందుకు ప్రయత్నిస్తున్నారు.