యూఎస్, యూరోప్, దుబాయ్ దేశాలకు వెళ్లే విమాన ప్రయాణికులకు శుభవార్త. ఇతిహాద్ ఎయిర్‌వేస్, ఇండిగో విమానయాన సంస్థలు అంతర్జాతీయ రూట్లలో చార్జీలు తగ్గించినట్లు ప్రకటించాయి. దీంతో జెట్ ఎయిర్‌వేస్ కూడా రంగంలోకి దిగి, తాము కూడా విమాన చార్జీలు తగ్గిస్తున్నట్లు ప్రకటించింది. సెప్టెంబరు, అక్టోబరు నెలల్లో సెలవుల్లో ఎక్కువ మంది పర్యాటకులు, విదేశాల్లో నివాసముంటున్న వారి కుటుంబసభ్యులు విమాన ప్రయాణాలు చేసేందుకు ముందుకు వస్తున్న నేపథ్యంలో మూడు విమాన సంస్థలు విమాన చార్జీలను తగ్గించాయి.