బహ్రెయిన్:ఆసియాకి చెందిన ఓ వ్యక్తికి న్యాయస్థానం మూడేళ్ళ జైలు శిక్ష విధించింది. బహ్రెయినీ వ్యక్తితో కలిసి సౌదీ డ్రైవింగ్‌ లైసెన్స్‌ని ఫోర్జరీ చేసిన కేసులో నిందితుడికి న్యాయస్థానం జైలు శిక్ష ఖరారు చేసింది. ఈ కేసులో నిందితుడికి సహకరించిన మరో వ్యక్తికీ జైలు శిక్ష విధించింది న్యాయస్థానం. జైలు శిక్ష అనంతరం ఇద్దర్నీ డిపోర్ట్‌ చేయనున్నారు. హై క్రిమినల్‌ కోర్టులో నిందితులపై విచారణ జరిగింది. బహ్రెయినీ డ్రైవింగ్‌ లైసెన్స్‌ కోసం నిందితుడు ఫోర్జరీ డాక్యుమెంట్లను జనరల్‌ డైరెక్టరేట్‌ ఆఫ్‌ ట్రాఫిక్‌ వద్ద రిజిస్టర్‌ చేయించాడు. ఫేక్‌ సౌదీ డ్రైవింగ్‌ లైసెన్స్‌ని నిందితుడు దరఖాస్తులో పేర్కొనడంతో, విషయం బట్టబయలయ్యింది.