మస్కట్‌: 21 ఏళ్ళ ఒమనీ మహిళ గల్లంతవడంతో ఆమెకోసం గాలింపు చర్యలు కొనసాగుతున్నాయి. గురువారం ఉదయం విలాయత్‌ ఆఫ్‌ లివా నుంచి ఈ మహిళ గల్లంతయ్యిందని ఆమె తండ్రి చెబుతున్నారు. గల్లంతయిన మహిళ పేరు హలిమా హసన్‌ అల్‌ షామ్సి. ఆమెకు పెళ్ళయ్యిందనీ, ఇద్దరు పిల్లలు కూడా వున్నారనీ, ఆమె దొరుకుతుందన్న ఆశాభావం వ్యక్తం చేస్తున్నారు కుటుంబ సభ్యులు. గల్లంతయిన మహిళకు సంబంధించిన సమాచారాన్ని వాట్సాప్‌, ఇతర సోషల్‌ మీడియా సాధనాల ద్వారా ప్రచారంలోకి తీసుకొచ్చారు. వీలైనంత త్వరగా ఆమె ఆచూకీని కనుగొనేందుకు ప్రయత్నిస్తున్నట్లు రాయల్‌ ఒమన్‌ పోలీస్‌ పేర్కొంది.