ఫిలిప్పీన్స్‌, హాంకాంగ్‌ ప్రాంతాలను తీవ్రమైన ఈదురుగాలులు, భారీ వర్షాలు అతలాకుతలం చేస్తున్నాయి. సూపర్‌ టైఫూన్‌ మాంగ్‌ఖుట్‌ ధాటికి ఫిలిప్పీన్స్‌లో 64 మంది మృతి చెందారు. చైనాలోని హాంకాంగ్‌లో ఇద్దరు మృతి చెందగా వందలాది మంది ప్రజలు గాయాలకు గురయ్యారు. ముందస్తు జాగ్రత్త చర్యల్లో భాగంగా అధికారులు 25 లక్షల మందిని సురక్షిత ప్రాంతాలకు తరలించారు. ఈదురుగాలులు, వర్షాల ధాటికి 400 విమానాల రాకపోకలను రద్దు చేశారు.