బహ్రెయిన్: హెల్త్‌ కేర్‌ రంగం రోజురోజుకీ కొత్త పుంతలు తొక్కుతూ, ఉద్యోగాల కల్పనలో దూసుకుపోతున్న నేపథ్యంలో ఈ రంగంపై అక్రమార్కుల దృష్టిపడింది. హెల్త్‌ కేర్‌ రంగంలో ఉద్యోగాలంటూ మోసగాళ్ళు పెరిగిపోతున్నారు. వారి చేతిలో బలైపోతున్న అమాయకుల సంఖ్య కూడా పెరిగిపోతుండడం ఆందోళన కలిగిస్తున్న అంశం. బహ్రెయినీ హాస్పిటల్స్‌ పేరుతో ఆసియాకి చెందిన కొందరు అక్రమార్కులు జాబ్‌ ఆఫర్స్‌ని అమాయకుల ముందుంచుతున్నారు. పెద్ద మొత్తంలో వారి నుంచి 'రిక్రూట్‌మెంట్‌ ఫీజు' వసూలు చేసి, చివరికి చేతులెత్తేస్తున్నారు. ఆసుపత్రుల నుంచి వచ్చినట్లుగా రిక్రూట్‌మెంట్‌ నోటిఫికేషన్లు ఎవరికి అందినా, ఆయా ఆసుపత్రుల యాజమాన్యాలతో సంప్రదించాలని నిపుణులు అభిప్రాయపడుతున్నారు. గత కొన్నేళ్ళుగా నడుస్తున్న ఇలాంటి స్కామ్స్‌ ఇటీవలి కాలంలో చాలా ఎక్కువైపోయాయని హెల్త్‌ కేర్‌ ఇండస్ట్రీ చెబుతోంది.