దుబాయ్‌ ట్రాఫిక్‌ పోలీసులు 831 ట్రాఫిక్‌ పెనాల్టీలను జారీ చేశారు. గ్లోబల్‌ విలేజ్‌ ఏరియాలో గత నవంబర్‌లో జరిగిన ట్రాఫిక్‌ ఉల్లంఘనలపై ఈ చర్యలు తీసుకున్నారు. దుబాయ్‌ ట్రాఫిక్‌ పోలీస్‌ డైరెక్టర్‌ కల్నల్‌ సైఫ్‌ ముహయిర్‌ అల్‌ మజ్రోయ్‌ మాట్లాడుతూ, గ్లోబల్‌ విలేజ్‌ ఏరియాలో ఎప్పుడూ కుటుంబ సమేతంగా సందడి నెలకొంటుందనీ, అలాంటి ప్రాంతంలో ట్రాఫిక్‌ ఉల్లంఘనలకు పాల్పడుతుండడం దురదృష్టకరమని చెప్పారు. రాంగ్‌ఫుల్‌ ఓవర్‌టేకింగ్‌, లేన్‌ డిసిప్లెయిన్‌ని పాటించకపోవడం, నడిచేవారికి మార్గం ఇవ్వకపోవడం, వాహనాల రిజిస్ట్రేషన్‌ని రెన్యువల్‌ చేసుకోకపోవడం, అలాగే నిర్లక్ష్యంగా డ్రైవింగ్‌ చేయడం వంటి ట్రాఫిక్‌ ఉల్లంఘనలు ఎక్కువవుతున్నందున పెనాల్టీలు విధించి, కఠిన చర్యలు తీసుకుంటున్నామని ట్రాఫిక్‌ ఉన్నతాధికారులు చెప్పారు