మస్కట్‌: అరేబియన్‌ సముద్రంలో ట్రాపికల్‌ డిప్రెషన్‌, ట్రాపికల్‌ స్టార్మ్‌గా మారింది. దీనికి లుబాన్‌ అనే పేరుని పెట్టినట్లు పబ్లిక్‌ అథారిటీ ఫర్‌ సివిల్‌ ఏవియేషన్‌ పేర్కొంది. ప్రస్తుతం ట్రాపికల్‌ స్టార్మ్‌గా ఇది రూపాంతరం చెందిందనీ, ఎప్పటికప్పుడు ఈ ట్రాపికల్‌ స్టార్మ్‌ తీవ్రతను అంచనా వేస్తూనే వుంటామని పిఎసిఎ వివరించింది. ట్రాపికల్‌ సిస్టమ్‌ కేంద్రం సలాలాకు 940 కిలోమీటర్ల దూరంలో వుంది. కేంద్రం తాలూకు వేగం 35 నుంచి 40 నాట్స్‌ వరకు వుందని అంచనా వేశారు. తీరం నుంచి 400 కిలోమీటర్ల దూరంలో కన్వెక్టివ్‌ క్లౌడ్‌ బ్యాండ్స్‌ వున్నాయి. ఒమన్‌ తీరాన్ని ఈ తుపాను తాకనుంది. అంతకు ముందు భారతదేశంపై తుపాను విరుచుకుపడే అవకాశాలున్నాయి.