యంగ్ టైగర్ ఎన్టీఆర్ హీరోగా నటించిన అరవింద సమేత వీర రాఘవ సినిమా బాక్సాఫీసు వద్ద దూసుకుపోతోంది. రికార్డులన్నింటినీ చెరిపేస్తూ వసూళ్ల సునామీ సృష్టిస్తోంది. త్రివిక్రమ్ శ్రీనివాస్ తెరకెక్కించిన ఈ మూవీకి మాస్ ఆడియన్స్ నుంచి విశేష ఆదరణ లభిస్తోంది. సినిమా తొలివారం ముగిసే సరికి ప్రపంచ వ్యాప్తంగా వంద కోట్ల గ్రాస్ వసూలు చేసింది. ఇప్పటికే ఈ చిత్రం యూఎస్ లో 2 మిలియన్ డాలర్లు వసూలు చేసింది. విడుదలైన నాలుగు రోజుల్లోనే వందకోట్ల గ్రాస్ వసూలు చేయడమంటే మామూలు విషయం కాదు. బాహుబలి తరువాత ఈ సినిమానే ఆ రికార్డ్ సాధించిందని.. ఎన్టీఆర్ నటన, త్రివిక్రమ్ డైరెక్షన్.. అన్నింటికీ మించి సినిమాకు వచ్చిన పాజిటివ్ రెస్పాన్స్ కారణంగా సినిమా బ్లాక్ బస్టర్ హిట్ అయిందని ట్రేడ్ పండితులు అంటున్నారు. ఇప్పటికే నాన్ బాహుబలి రికార్డ్స్ ను చెరిపేసే దిశగా ఈ చిత్రం ఆడుతుందని వారంటున్నారు. ఈ సినిమా ఎన్టీఆర్ కెరీర్ లో ఊహించనంత విజయం సాధించడంతో హైదరాబాద్‌లో చిత్రబృందం థాంక్స్‌ మీట్‌ ఏర్పాటు చేసింది.