మస్కట్‌: సుల్తాన్‌ కబూస్‌ హైవే వైపుగా వున్న ఎగ్జిబిషన్స్‌ రోడ్‌ ఎగ్జిట్‌ని వారాంతం వరకు మూసివేస్తున్నట్లు మస్కట్‌ మునిసిపాలిటీ పేర్కొంది. పబ్లిక్‌ అథారిటీ ఫర్‌ మేన్‌ పవర్‌ రిజిస్ట్రేషన్‌ బిల్డింగ్‌ నుంచి అజైబా మీదుగా వెళ్ళే ఎగ్జిట్‌ని, (సుల్తాన్‌ కబూస్‌ హైవేకు దారి తీసేది) మెయిన్‌టెనెన్స్‌ పనుల నిమిత్తం మూసివేస్తున్నామని అధికారులు పేర్కొన్నారు. గురువారం సాయంత్రం నుంచి ఆదివారం ఉదయం వరకు ఈ మూసివేత అమల్లో వుంటుంది. మూసివేత నేపథ్యంలో వాహనదారులు ట్రాఫిక్‌ ఇన్‌స్ట్రక్షన్స్‌కి తగ్గట్టుగా వాహనాల్ని నడపాల్సి వుంటుంది.