మస్కట్‌: అల్‌ సీబ్‌లోని షాపింగ్‌ సెంటర్‌ కన్‌స్ట్రక్షన్‌ సైట్‌లో అగ్ని ప్రమాదం జరిగినట్లు పబ్లిక్‌ అథారిటీ ఆఫ్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) వెల్లడించింది. ఈ ఘటనలో ఎవరికీ ఎలాంటి గాయాలూ కాలేదనీ, ఇది చాలా మైనర్‌ ఘటన అని ఫైర్‌ ఫైటర్స్‌ సకాలంలో మంటల్ని అదుపు చేశారని అధికారులు వివరించారు. పిఎసిడిఎ అధికార ప్రతినిథి మాట్లాడుతూ అల్‌ సీబ్‌లో బుధవారం సాయంత్రం నిర్మాణంలో వున్న షాపింగ్‌ సెంటర్‌లో అగ్ని ప్రమాదం జరిగిందని చెప్పారు. పిఎసిడిఎ సకాలంలో స్పందించి, మంటల్ని అదుపు చేసిందని ఆయన వివరించారు.