ఉక్కుమనిషి, భారత ఉప ప్రధాని సర్దార్‌ వల్లభ్‌భాయ్‌ పటేల్‌ 143వ జయంతి సందర్భంగా ఆయన స్మారకార్థం నర్మదా నది ఒడ్డున ఏర్పాటుచేసిన 'ఐక్యతా విగ్రహం- స్టాట్యూ ఆఫ్‌ యూనిటీ'ని ప్రధానమంత్రి మోదీ ఆవిష్కరించి జాతికి అంకితం చేసారు. సర్దార్‌ సరోవర్‌ డ్యామ్‌ సమీపంలో ఉన్న సాధు బెట్‌లో 'స్టాట్యూ ఆఫ్‌ యూనిటీ' నిర్మించారు. ఈ విగ్రహం 182 మీటర్ల ఎత్తుతో ప్రపంచంలోనే అత్యంత ఎత్తయినదిగా గుర్తింపు పొందింది. 30 పవిత్ర నదీ జలాలతో ఇండియన్‌ ఎయిర్‌ఫోర్స్‌ పటేల్‌ విగ్రహానికి హెలికాప్టర్లతో అభిషేకం చేసింది.