మస్కట్‌:మస్కట్‌ ఇంటర్నేషనల్‌ ఎయిర్‌పోర్ట్‌లో ఓ వలసదారుడ్ని అధికారులు అరెస్ట్‌ చేశారు. అనుమానాస్పదంగా కన్పించిన అతన్ని స్కానింగ్‌ చేయగా, ఆ వ్యక్తి కడుపులో 50కి పైగా హెరాయిన్‌ క్యాప్సుల్స్‌ బయటపడ్డాయి. నిందితుడ్ని ఆసియాకి చెందిన వలసదారుడిగా గుర్తించారు. దేశంలోకి డ్రగ్స్‌ని స్మగ్లించేందుకే అతను వచ్చినట్లు పోలీసులు నిర్ధారించారు. నిందితుడ్ని అరెస్ట్‌ చేసిన పోలీసులు, చట్టపరమైన చర్యలు తీసుకుంటామని పేర్కొన్నారు. డ్రగ్స్‌కి సంబంధించిన సమాచారం ఎవరికి తెలిసినా పోలీసులకు అందించాలనీ, డ్రగ్స్‌ ఫ్రీ కంట్రీగా ఒమన్‌ని మార్చే క్రమంలో ప్రతి ఒక్కరూ భాగస్వామిగా మారాలని రాయల్‌ ఒమన్‌ పోలీస్‌ విజ్ఞప్తి చేసింది.