సినీ నటుడు, రచయిత ఉత్తేజ్ కుమార్తె 'చేతన ఉత్తేజ్' తెరంగేట్రం చేయబోతోంది. 'షీ' అనే చిత్రంలో టైటిల్ రోల్ పాత్రలో ఈమె నటిస్తోంది. సోమవారం ఉత్తేజ్ తన ఫేస్‌బుక్ అకౌంట్‌లో ఈ విషయాన్ని వెల్లడించారు. గత కొంత కాలంగా చేతన ఉత్తేజ్ వెండి తెర పరిచయంపై వార్తలు వస్తున్నా ఇప్పుడు ఉత్తేజ్ దాన్ని ధ్రువీకరించారు. 'షీ' సినిమాలో 'వాసుకి' అనే పాత్రలో చేతన ఉత్తేజ్ నటిస్తుండగా, తన కుమార్తెను ఆశీర్వదించాలని ఉత్తేజ్ తన ఫేస్‌బుక్ పేజీ ద్వారా అభిమానులకు విజ్ఞప్తి చేశారు. ఈ చిత్రానికి సంబంధించిన పలు పోస్టర్లను కూడా ఆయన సోషల్ మీడియాలో పంచుకున్నారు