సమంత, నాగచైతన్యలు నటిస్తున్న చిత్రం 'మజిలీ'. శివ నిర్వాణ దర్శకత్వం వహిస్తున్న ఈ చిత్ర షూటింగ్‌ సింహాచలం రైల్వేస్టేషన్‌లో జరుగుతోంది. ఈ చిత్రంలో సమంత సింహాచలం రైల్వేస్టేషన్‌లో బుకింగ్‌ క్లర్క్‌గా, నాగచైతన్య ఆమెకు భర్తగా నటిస్తున్నారు. నాగచైతన్య, సమంత వివాహం తరువాత జంటగా నటిస్తున్న చిత్రం కావటంతో అంచనాలు నెలకొన్నాయి. షూటింగ్‌ సందడి నెలకొనడంతో సమంత, నాగచైతన్యలను చూడటానికి పెద్ద సంఖ్యలో జనం ఎగబడ్డారు. ఈ నేపధ్యంలో పోలీసులు గట్టి భద్రత ఏర్పాటు చేసారు.