అబుధాబి పోలీస్‌, ఎమిరేట్‌లోని పలు రోడ్లపై స్పీడ్‌ లిమిట్‌ మార్పుపై ప్రకటన చేసింది. ఆయా రోడ్లపై గంటకు 140 కిలోమీటర్ల వరకు స్పీడ్‌ లిమిట్‌ పెంచుతున్నామనీ, ఇది బఫర్‌ లేని లిమిట్‌ అని అధికారులు చెప్పారు. వీటిల్లో స్వీహన్‌ - అల్‌ హాయెర్‌ రోడ్‌ (ఇ20 - జాయెద్‌ మిలిటరీ సిటీ రౌండెబౌట్‌ నుంచి ట్రక్‌ రోడ్‌ ఇంటర్‌సెక్షన్‌ (ఇ25) వరకు వున్న రోడ్డు ఒకటి. మరొకటి, స్వీహాన్‌ - అల్‌ హాయెర్‌ రోడ్‌ (ఇ20) - ట్రక్‌ రోడ్‌ ఇంటర్‌సెక్షన్‌ నుంచి అల్‌ హాయెర్‌ వరకు వుంటుంది. ఇంకోటి అల్‌ అజ్బాన్‌ - అల్‌ సాద్‌ రోడ్‌ (ఇ16) - అల్‌ అజ్బాన్‌ ప్యాలెస్‌ రౌండ్‌ ఎబౌట్‌ నుంచి అల్‌ సాద్‌ వరకు వుండే రోడ్డు. కాగా, అల్‌ అయిన్‌ - అల్‌ కో రోడ్డు మీద కూడా స్పీడ్‌ లిమిట్‌ని సవరించారు. పలు అధ్యయనాల నేపథ్యంలో స్పీడ్‌ లిమిట్‌ చేయడం జరిగిందని అధికారులు చెప్పారు.