నందమూరి బాలకృష్ణ ప్రస్తుతం ఎన్టీఆర్ బయోపిక్ లో నటిస్తున్న సంగతి తెలిసిందే. మహానటుడు స్వర్గీయ ఎన్టీరామారావు జీవిత నేపథ్యంలో తెరకెక్కుతున్న ఈ చిత్రానికి క్రిష్ డైరెక్ట్ చేస్తుండగా , బాలయ్య స్వయంగా నిర్మిస్తుండగా సాయి కొర్రపాటి, విష్ణు సహ నిర్మాతలుగా వ్యవహరిస్తున్నారు. 2019 జనవరి 9న 'యన్.టి.ఆర్-కథానాయకుడు', జనవరి 24న 'యన్.టి.ఆర్- మహానాయకుడు'గా రెండు భాగాలుగా ప్రేక్షకుల ముందుకు రానుంది.
ఇప్పటి వరకు చిత్రానికి సంబంధించి పలు పోస్టర్స్ విడుదల కాగా, తాజాగా మరో అదిరిపోయే స్టిల్ ను విడుదల చేసి సినిమాపై ఇంకాస్త అంచనాలు పెంచారు. రేపు ఉదయం 7.42ని.లకి ఎన్టీఆర్‌- కథానాయకుడు లో కథానాయక అంటూ సాగే సాంగ్‌ని విడుదల చేస్తున్నట్టు ఈ పోస్టర్ ద్వారా తెలియజేసారు. ఈ పోస్టర్‌లో బాలయ్య.. ఎన్టీఆర్ గెటప్‌లో పంచె కట్టుకొని కనిపిస్తున్నాడు. అసెంబ్లీ ముందు వీరావేశంతో నడుస్తున్నట్టు ఉన్న ఈ పోస్టర్ అభిమానులని విపరీతంగా ఆకట్టుకుంటుంది.
ఈ మూవీ ఎన్టీఆర్ భార్య బసవతారకం పాత్రలో విద్యా బాలన్ నటించగా, చంద్రబాబు పాత్రలో రానా ఇతర పాత్రల్లో పలువురు సీనియర్ స్టార్స్ నటిస్తున్నారు.