మస్కట్‌: లులు గ్రూప్‌ తమ 22వ హైపర్‌ మార్కెట్‌ని ఒమన్‌లో ప్రారంభించింది. దీంతో ప్రపంచ వ్యాప్తంగా లులు సంస్థకు చెందిన హైపర్‌ మార్కెట్స్‌ సంఖ్య 155కి చేరుకుంది. సౌత్‌ అల్‌ షర్కియా గవర్నర్‌ షేక్‌ అబ్దుల్లా బిన్‌ ముస్తాహిల్‌ బిన్‌ సలీమ్‌ షమాస్‌ ప్రారంభించిన ఈ ఔట్‌లెట్‌ సుర్‌లో మొదటిది. ఒమన్‌ 48వ జాతీయ దినోత్సవం రోజున ఈ షోరూంను ప్రారంభించడం గమనార్హం. ఈ సందర్భంగా లులు గ్రూప్‌ ఛైర్మన్‌ మరియు మేనేజింగ్‌ డైరెక్టర్‌ యూసుఫ్‌అలి మాట్లాడుతూ, ఒమన్‌ ప్రభుత్వం అందిస్తున్న సహాయ సహకారాలకు కృతజ్ఞతలు తెలుపుతున్నామని చెప్పారు. తమ గ్రూప్‌లో 2,500 ఒమనీ ఎంప్లాయీస్‌ పనిచేస్తున్నారనీ, వచ్చే ఏడాదికి ఈ సంఖ్య 3,000కి చేరుకుంటుందని యూసుఫ్‌ అలి వివరించారు.