ఈరోజు ఒక వైవిధ్యమైన వంటకం తో మీ ముందుకు వచ్చాం. తెలంగాణా వారి ప్రత్యేకం. అదే ‘బిళ్ళల పులుసు’. దీనినే ‘వెజ్ చేపల కూర’ అని కూడా అంటారు. మరి తయారీ ఎలాగో చూసేద్దామా..!

కావలసిన పదార్ధాలు:

• ఉల్లిపాయలు             - 2 లేక 3 పెద్దవి
• జీలకర్ర                      - 2 టేబుల్ స్పూన్లు
• అల్లం వెల్లుల్లి ముద్ద      - 1 టేబుల్ స్పూను
• ఉప్పు                       - తగినంత
• పచ్చికారం                  - సరిపడా
• శనగపిండి                  - 1 కప్పు
• మెంతి పొడి                - 1/2 టేబుల్ స్పూను
• ధనియాల పొడి           - 1 టేబుల్ స్పూను
• చింతపండు రసం         - 3 టేబుల్ స్పూన్లు
• బెల్లం                       - కొద్దిగా
• కరివేపాకు                  - కొద్దిగా
• కొత్తిమీర                   - కొద్దిగా
• నీరు                         - 1 1/2 కప్పు

చేయు విధానం:

బిళ్ళలు:

• ఒక బాండీలో నూనె పోసి వేడి చేయాలి. ఇందులో జీలకర్ర, ఉల్లిపాయలు వేసి వేపండి.
• ఇప్పుడు నీళ్ళు, ఉప్పు, పచ్చికారం వేసి కాగనివ్వండి.
• శనగపిండి ని చల్లటి నీళ్ళల్లో కలిపి ఆ మిశ్రమాన్ని ఈ మరుగుతున్న నీటిలో మెల్లిగా ఉండలు కట్టకుండా చూసుకుంటూ వేయాలి. మూకుడు అంచులకి శనగపిండి అంటనంతవరకు ఉడికించి స్టవ్ మీద నుండి దించేయాలి.
• ఇప్పుడు ఒక వెడల్పాటి ప్లేట్ కి నూనె/నెయ్యి రాసి ఈ మిశ్రమాన్ని అందులో వేయండి. చల్లారాక, మీకు నచ్చిన ఆకారంలో ముక్కలు కట్ చేసుకోండి.

​

పులుసు:

• ఒక కడాయిలో నూనె పోసి వేడి చేయండి. ఇందులో జీలకర్ర, ఉల్లిపాయలు, అల్లం వెళ్లి ముద్ద, కరివేపాకు వేసి ఉల్లిపాయలు బంగారు రంగు వచ్చేదాక వేయించండి.
• ఇప్పుడు చింతపండు రసం వేసి బాగా మరగనివ్వండి.
• ఉప్పు, మెంతి పొడి, పచ్చికారం, ధనియాల పొడి, బెల్లం వేసి ఒక 5-7 నిమిషాలు మరగనివ్వండి.
• ముందుగా చేసుకున్న బిళ్ళలు ఇందులో మెల్లిగా వేసి మరి కాసేపు అనగా 2-3 నిమిషాలు మరగనిచ్చి, స్టవ్ మీద నుండి దించి కోత్హిమీర చల్లి సర్వ్ చేసుకోవటమే.

​

​ఇది అన్నంతో మరియు రోటి తో బాగుంటుంది.

------ పి.రమ్య, దుబాయ్, యు ఏ ఈ.