షార్జాలో ఓ వ్యక్తి హత్య కేసులో 11 మందిని నిందితులుగా పోలీసులు గుర్తించారు. అల్‌ సజా ప్రాంతంలో కొందరు వ్యక్తుల మధ్య గలాటా చోటు చేసుకుంది. ఈ క్రమంలో రెండు గ్రూపులుగా విడిపోయి, ఒకరి మీద ఒకరు దాడి చేసుకున్నారు. కార్లను డ్రిఫ్ట్‌ చేయడం, రాళ్ళతో కొట్టుకోవడం చేశారు నిందితులు. వీరిలో ఒకరిపైనుంచి వాహనం దూసుకెళ్ళింది. తీవ్రగాయాలపాలైన అతన్ని అల్‌ కాసిమి ఆసుపత్రికి తరలించగా, అక్కడ అతను ప్రాణాలు కోల్పోయాడు. ఫోరెన్సిక్‌ రిపోర్ట్స్‌లో మృతుడు మద్యం సేవించినట్లు తేలింది. విచారణ జరిపిన పోలీసులు నిందితుల్ని గుర్తించి, అదుపులోకి తీసుకున్నారు.