కువైట్‌ సిటీ: హెల్త్‌ మినిస్ట్రీ, వలసదారుల నుంచి మెడికల్‌ ఫీజుల వసూళ్ళకు సంబంధించి సర్క్యులర్‌ని జారీ చేసింది. ఖరీదైన వైద్యాన్ని భరించలేని వలసదారులు, ఫీజులు చెల్లించడంలేదని మినిస్ట్రీ పేర్కొంది. ఈ నేపథ్యంలో అలాంటివారికి గ్యారంటీటర్‌ తప్పనిసరి అని సర్క్యులర్‌లో పేర్కొన్నారు. సర్క్యూలర్‌లో పేర్కొన్న వివరాల ప్రకారం చూస్తే, ఆసుపత్రిలో చేరే ముందే పేషెంట్‌, గ్యారంటీటర్‌ని పరిచయం చేయాల్సి వుంటుంది. వారిద్దరి పూర్తి వివరాలు తీసుకున్నాకే వైద్య చికిత్స ప్రారంభమవుతుంది. ఒకవేళ పేషెంట్‌, ఆసుపత్రి ఫీజు చెల్లించకపోతే, గ్యారంటీటర్‌ బాధ్యత తీసుకోవాల్సి వుంటుంది. గ్యారంటీటర్‌ చేతులెత్తేస్తే, చట్టప్రకారం తదుపరి చర్యలు తీసుకుంటారు.