బహ్రెయిన్‌: ఐదుగురు సభ్యులుగల దొంగల ముఠాని అరెస్ట్‌ చేసినట్లు డైరెక్టర్‌ జనరల్‌ ఆఫ్‌ క్రిమినల్‌ ఇన్వెస్టిగేషన్‌ వెల్లడించడం జరిగింది. అరెస్టయినవారిలో ఇద్దరు ఇరానియన్స్‌ వున్నారు. జ్యుయెలరీ, ఖరీదైన వాచ్‌లు, మొబైల్‌ ఫోన్లను దొంగిలించడంలో ఈ ముఠా దిట్ట అని అధికారులు తెలిపారు. 50,000 బహ్రెయినీ దినార్స్‌ విలువైన వస్తువుల్ని వీరు దొంగిలించారు. బైసికిలింగ్‌ ఔత్సాహికులుగా ముగ్గురు వ్యక్తులు వ్యవహరిస్తూ, దొంగతనం కోసం ఇళ్ళను ఎంపిక చేస్తారనీ, మరో ఇద్దరు వ్యక్తులు ఇంట్లోకి చొరబడి దొంగతనాలు చేస్తుంటారనీ, ఆ తర్వాత అందరూ జాగ్రత్తగా జారుకుంటారనీ పోలీసులు వివరించారు.