సినీ దర్శకుడు రాంగోపాల్‌వర్మపై మండిపడుతున్నారు తెలుగు తమ్ముళ్లు. చంద్రబాబుని కుట్రదారునిగా చిత్రీకరిస్తూ పాట విడుదల చేయడంపై ఆగ్రహం వ్యక్తం చేస్తున్నారు. విజయవాడలో రాంగోపాల్‌వర్మ ఫ్లెక్సీలు, ఫోటోలను దగ్ధం చేశారు. రాజకీయ కారణాలతోనే వర్మ.. చంద్రబాబును టార్గెట్‌ చేశారంటున్నారు. ట్విట్టర్‌, ఫేస్‌బుక్‌లలో పోస్టులు కాదు.. దమ్ముంటే బహిరంగ చర్చకు రావాలని డిమాండ్‌ చేశారు.

ఆడవాళ్లను కించపరిచేలా వ్యవహరించే వర్మకు.. లక్ష్మీపార్వతి మద్దతుగా నిలిచి ఎన్టీఆర్‌ పరువు తీస్తున్నారన్నారు. ముంబై, హైదరాబాద్‌లో దెబ్బలు తిన్నా వర్మకు బుద్ది రాలేదంటున్నారు టీడీపీ కార్యకర్తలు. ఎన్టీఆర్‌ జీవితంలో ఎన్నో ఆదర్శవంతమైన ఘట్టాలున్నాయని.. వర్మ వాటిని ఎందుకు చూపించడం లేదని ప్రశ్నిస్తున్నారు. ఎన్టీఆర్‌, చంద్రబాబును కించపరిచేలా సినిమా ఉంటే వర్మకు తగిన బుద్ది చెబుతామని హెచ్చరిస్తున్నారు.