జెడ్డా:సౌదీ అరేబియాలోని జెడ్డా ఎయిర్‌ పోర్ట్‌ కస్టమ్స్‌ అథారిటీస్‌, డ్రగ్స్‌ స్మగ్లింగ్‌ అటెంప్ట్స్‌కి అడ్డుకట్ట వేసింది. మొత్తం ఐదుసార్లు స్మగ్లింగ్‌ యత్నాల్ని అడ్డుకున్నారు అధికారులు. ఈ క్రమంలో 822 గ్రాముల హెరాయిన్‌, అలాగే అక్రమ డ్రగ్‌ షాబు మెథాంఫెటమైన్‌ పిల్స్‌ (1700 గ్రాములు) స్వాధీనం చేసుకోవడం జరిగింది. కస్టమ్స్‌ డైరెక్టర్‌ బందర్‌ అల్‌ రహీలి మాట్లాడుతూ ఓ మహిళ పొట్ట నుంచి డ్రగ్స్‌ స్వాధీనం చేసుకున్నట్లు పేర్కొన్నారు. మొత్తం 81 హెరాయిన్‌ క్యాప్సూల్స్‌ని ఆమె తన పొట్టలో పెట్టుకుని, స్మగ్లింగ్‌కి యత్నించింది. మరో ఘటనలోనూ ఓ ప్యాసింజర్‌ కడుపులోంచి 72 క్యాప్సూల్స్‌ని వెలికి తీశారు. స్మగ్లర్ల బాడీ లాంగ్వేజ్‌ని స్టడీ చేసి, నిందితుల్ని గుర్తించడంలో ప్రతిభ చూపుతున్న అధికారుల్ని అల్‌ రహీలి అభినందించారు.