జాజన్‌ జనరల్‌ ఆసుపత్రిలో జరిగిన అగ్ని ప్రమాదం 25 మందిని బలిగొంది. 107 మంది ఈ ప్రమాదంలో గాయపడ్డారు. సౌదీ సివిల్‌ డిఫెన్స్‌ మెంబర్స్‌ ప్రమాదం జరిగిన ఆసుపత్రిని సందర్శించారు. మెటర్నిటీ డిపార్ట్‌మెంట్‌లోని ఇంటెన్సివ్‌ కేర్‌ యూనిట్‌లో తొలుత అగ్ని ప్రమాదం చోటుచేసుకుందనీ, తక్కువ సమయంలోనే ఆ మంటలు ఆసుపత్రిలో వివిధ విభాగాలకు విస్తరించాయని అధికారులు వెల్లడించారు. హుటాహుటిన ఆసుపత్రిలోని రోగుల్ని, సిబ్బందిని, రోగుల సహాయకుల్ని తరలించడం ద్వారా ప్రాణ నష్టాన్ని వీలైనంతవరకు తగ్గించగలిగారు. అర్ధరాత్రి 2 గంటల సమయంలో ఈ ప్రమాదం చోటు చేసుకున్నట్లు సమాచారమ్‌. ప్రమాదం ఎలా సంభవించింది? ప్రమాధానికి కారణాలు ఏంటి? వంటి ప్రశ్నలకు విచారణలో సమాధానం దొరుకుతుందని అధికారులు చెప్పారు.