దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ, కమర్షియల్‌ బ్యాంక్‌ ఆఫ్‌ దుబాయ్‌ ఓ అవగాహన ఒప్పందం కుదుర్చుకున్నాయి. ఈ ఒప్పందం ప్రకారం వాహనదారులు తమ జరీమానాల్ని చెల్లించేందుకు సులభ వాయిదా పద్ధతిని ఎలాంటి అదనపు ఛార్జీలు లేకుండా చెల్లించవచ్చు. క్రెడిట్‌ కార్డుల ద్వారా ఫీజుల్ని చెల్లించవచ్చనీ, అయితే ఎన్ని వాయిదాల్లో చెల్లించాలనేది ఫీజుల మొత్తాన్ని బట్టి వుంటుందని ఆర్‌టిఎ కార్పొరేట్‌ అడ్మినిస్ట్రేటివ్‌ సపోర్ట్‌ సర్వీసెస్‌ సీఈఓ యూసెఫ్‌ అహ్మద్‌ అల్‌ రెధా చెప్పారు. ఈ మేరకు ఆయన, ఇన్‌స్టిట్యూషనల్‌ అండ్‌ ట్రాన్సాక్షన్‌ బ్యాంకింగ్‌ - కమర్షియల్‌ బ్యాంక్‌ ఆఫ్‌ దుబాయ్‌ జనరల్‌ మేనేజర్‌హసన్‌ అల్‌ రెధాతో కలిసి ఒప్పందంపై సంతకాలు చేశారు.