మస్కట్‌: 17 మంది వలసదారుల్ని డీజిల్‌ అక్రమ విక్రయాలు, దొంగతనానికి సంబంధించి అరెస్ట్‌ చేసినట్లు రాయల్‌ ఒమన్‌ పోలీస్‌ ప్రకటించింది. అరెస్టయిన నిందితులు ఆసియా జాతీయులని పేర్కొన్న రాయల్‌ ఒమన్‌ పోలీస్‌, ఏయే దేశాలకు చెందినవారు ఇందులో వున్నారనే విషయమై ఖచ్చిత సమాచారం తెలపలేదు. అధికారులు వెల్లడించిన వివరాల ప్రకారం ఆయిల్‌ కన్సెన్‌ ఏరియాస్‌లో నిందితుల్ని అరెస్ట్‌ చేయడం జరిగింది. డీజిల్‌ని దొంగిలించడం, అక్రమంగా స్టోర్‌ చేయడం, దాన్ని అక్రమంగా విక్రయించడం వంటి నేరాభియోగాలపై వీరి అరెస్టులు జరిగాయి. చట్టపరమైన చర్యలు వీరిపై తీసుకోబడతాయి.