సుప్రీం కౌన్సిల్‌ ఫర్‌ ఎన్విరాన్‌మెంట్‌, మినిస్ట్రీ ఆఫ్‌ కామర్స్‌ ఇండస్ట్రీ అండ్‌ టూరిజం సంయుక్తంగా ప్లాస్టిక్‌ బ్యాగ్స్‌ విషయమై సంచలన నిర్ణయం తీసుకున్నాయి. మినిస్టీరియల్‌ డెసిషన్‌ నేపథ్యంలో, ప్లాస్టిక్‌ బ్యాగ్స్‌ వినియోగం తగ్గించడంతోపాటు, వాటిని బయోడీగ్రేడబుల్‌గా తయారు చేయాలని యోచిస్తున్నారు. ఈ నిర్ణయం అమల్లోకి వస్తే ప్లాస్టిక్‌ వినియోగం తగ్గడంతోపాటు, పర్యావరణానికి మేలు కలుగుతుందని నిపుణులు అంచనా వేస్తున్నారు. మరీ ముఖ్యంగా మెరైన్‌ లైఫ్‌ అలాగే జంతువులకు ఇది ఎంతో ఉపకరిస్తుంది. మానవాళికి ప్లాస్టిక్‌ వినియోగం కారణంగా తలెత్తుతున్న సమస్యలూ, ఈ నియంత్రణ నిర్ణయంతో తగ్గుతాయి.