జెడ్డా: సౌదీ అరేబియాలో అక్రమంగా నివసిస్తున్న వారికి ఉద్యోగాలు కల్పిస్తే అలాంటివారిపై కఠినచర్యలు తప్పవని అధికారులు హెచ్చరిస్తున్నారు. భారీ జరీమానాలతోపాటు రిక్రూట్‌మెంట్‌ బ్యాన్‌ కూడా విధించనున్నట్లు అధికారులు, ఎంప్లాయర్స్‌కి హెచ్చరించారు. సౌదీ జనరల్‌ డైరెక్టరేట్‌ ఆఫ్‌ పాస్‌పోర్ట్‌ వెల్లడించిన వివరాల ప్రకారం నిబంధనల ఉల్లంఘనకు పాల్పడేవారికి ఆరు నెలల వరకు జైలు శిక్ష, 100,000 సౌదీ రియాల్స్‌ వరకూ జరీమానా విధించడం జరుగుతుంది. ఉల్లంఘనకు పాల్పడిన వ్యక్తి వలసదారుడైతే వెంటనే డిపోర్ట్‌ చేస్తారు. ఎంప్లాయర్స్‌ తప్పనిసరిగా నిబంధనలు పాటించాలని అధికారులు సూచించారు.