రక్నాలో ఫిబ్రవరి 8న రాత్రి 12 గంటల సమయంలో 2.8 డిగ్రీల అత్యల్ప ఉష్ణోగ్రత నమోదయ్యింది. నేషనల్‌ సెంటర్‌ ఫర్‌ మిటియరాలజీ వెల్లడించిన వివరాల ప్రకారం, యూఏఈలో ఉష్ణోగ్రతలు క్రమంగా తగ్గుముఖం పట్టనున్నాయి. కొన్ని చోట్ల అత్యల్ప ఉష్ణోగ్రతలు నమోదవుతాయి. సముద్రం మీదుగా మేఘాలు ఏర్పడతాయి. కొన్ని ఇంటర్నల్‌ ప్రాంతాల్లోనూ ఆకాశం మేఘావృతమయి వుంటుంది. పలు ప్రాంతాల్లో ఓ మోస్తరుగా గాలుల తీవ్రత వుంటుంది. వీకెండ్‌లోనూ వాతావరణంలో పెద్దగా మార్పులు వుండకపోవచ్చు. మొత్తంగా ఈ వీకెండ్‌ వాతావరణం ఆహ్లాదకరంగా వుండొచ్చని ఎన్‌సిఎం పేర్కొంటోంది. అరేబియన్‌ గల్ఫ్‌, ఒమన్‌ సీ కొంత మేర రఫ్‌గా కన్పిస్తుంది. అల్పపీడన వాతావరణ పరిస్థితుల కారణంగా చలిగాలుల తీవ్రత ఎక్కువగా వుండొచ్చు.