మస్కట్‌: మినిస్ట్రీ ఆఫ్‌ మేన్‌ పవర్‌ వెల్లడించిన వివరాల ప్రకారం లేబర్‌ చట్టాల ఉల్లంఘనకు పాల్పడిన 90 మంది వలసదారుల్ని అరెస్ట్‌ చేసినట్లు తెలుస్తోంది. విలాయత్‌ ఆఫ్‌ సీబ్‌లో నిర్వహించిన సోదాల్లో వీరిని అరెస్ట్‌ చేశారు. ఈ విషయాన్ని మినిస్ట్రీ ఆన్‌లైన్‌లో విడుదల చేసిన ప్రకటన ద్వారా పేర్కొంది. విలాయత్‌ ఆఫ్‌ సీబ్‌లోని సదరన్‌ మావాలిహ్‌లో ఇన్‌స్పెక్షన్‌ నిర్వహించారు. ఈ సందర్భంగా పలువుర్ని లేబర్‌ చట్ట ఉల్లంఘన కింద అరెస్ట్‌ చేశారు. అరెస్ట్‌ చేసినవారిపై చట్టపరమైన చర్యలు తీసుకోనున్నట్లు అధికారులు పేర్కొన్నారు.