జెడ్డా: రియల్‌ ఎస్టేట్‌ డెవలప్‌మెంట్‌ ఫండ్‌ నుంచి మహిళలకు ప్రాపర్టీ లోన్స్‌ లభించనున్నాయి. ఈ మేరకు ఆర్‌ఇడిఎఫ్‌ బోర్డ్‌ ఆఫ్‌ డైరెక్టర్స్‌ నిర్ణయం తీసుకున్నారు. మహిళలు ప్రాపర్టీ కొనుగోలు చేసేందుకు అవకాశం కల్పిస్తూ ఈ నిర్ణయం తీసుకోవడం పట్ల సర్వత్రా హర్షం వ్యక్తం చేస్తోంది. తద్వారా సొంత ఇళ్ళు కలిగిన సౌదీల సంఖ్యను 2020 నాటికి 60 శాతంకు పెంచడం, అలాగే 2030 నాటికి 70 శాతానికి పెంచడమే లక్ష్యంగా ఈ కీలక నిర్ణయం తీసుకున్నారు. ఆర్‌ఇడిఎఫ్‌ తొలి బోర్డ్‌ మీటింగ్‌లో ఈ నిర్ణయానికి అనుమతి లభించింది. ప్రస్తుతం 62,841 మంది ఈ ప్రోగ్రామ్‌ ద్వారా లబ్దిదారులుగా వున్నారు.