సోమవారం బంగారం ధర తగ్గింది. రూ.85 తగ్గడంతో 99.9శాతం స్వచ్ఛత గల పది గ్రాముల పసిడి ధర రూ.25,605కు చేరింది. కీలక సమయాల్లో నగల వ్యాపారుల నుంచి కొనుగోళ్ల మద్దతు లభించకపోవడం, బలహీనంగా ఉన్న ఆసియన్‌ మార్కెట్‌ల ప్రభావంతో దేశీయంగా దీని ధర తగ్గిందని మార్కెట్‌ వర్గాలు తెలిపాయి. అంతర్జాతీయంగా ధరల్ని ప్రభావితం చేసే సింగపూర్‌ బులియన్‌ మార్కెట్లో ఔన్సు బంగారం ధర 0.4శాతం తగ్గి 1,071.72 అమెరికన్‌ డాలర్లకు చేరింది. ఈ రోజు వెండి ధర తగ్గి రూ.34,000 దిగువకు చేరింది. రూ.320 తగ్గడంతో కేజీ వెండి ధర రూ.33,980కి చేరింది. అంతర్జాతీయంగా సింగపూర్‌ బులియన్‌ మార్కెట్లో ఔన్సు వెండి ధర 0. 7శాతం తగ్గి 14.26 అమెరికన్‌ డాలర్లకు చేరింది.