ఫేక్‌ కిడ్నాప్‌ కేసు ద్వారా మాజీ బాయ్‌ఫ్రెండ్‌ బంధువుల్ని ఇరికించాలనుకున్న మహిళకు న్యాయస్థానం 100 బహ్రెయినీ దినార్స్‌ జరీమానా విధించింది. అంతకు ముందు ఆమెకు జైలు శిక్ష విధించింది న్యాయస్థానం. అయితే నిందితురాలి అభ్యర్థన మేరకు జైలు శిక్షను రద్దు చేసి జరీమానా ఖరారు చేయడం జరిగింది. మాజీ బాయ్‌ఫ్రెండ్‌ సోదరుడు మరియు అతని భార్యతో గొడవలు జరుగుతున్నాయనీ ఈ క్రమంలోనే నిందితురాలు వారిని ట్రాప్‌ చేసేందుకు ప్రయత్నించిందని విచారణలో తేలింది. మాస్క్‌ వేసుకున్న వ్యక్తులు తనను కిడ్నాప్‌ చేసి రిఫ్ఫాలోని బుహైర్‌ ప్రాంతానికి తరలించినట్లు పోలీసులకు ఫిర్యాదు చేసింది నిందితురాలు. అయితే విచారణలో నిందితురాలు చెప్పినవన్నీ అబద్ధాలేనని పోలీసులు తేల్చారు.