*APPLE*
- February 22, 2019ఇటు
నా ఊసు మరిసినోడు
నా బతుకు పట్టనోడు
నా ఉనికి గిట్టనోడు
చావడానికే నేను పుట్టాననీ
ప్రతి రోజు నన్ను నిదుర లేపే కల !
అటు
అప్పుడప్పుడూ ఒకడు కెలుకుతుంటాడు
మార్పుకు సిద్ధం కమ్మని చెప్పి
పోరుకు బలి చేస్తుంటాడు .
కడుపు నిండా నాలుగు ముద్దలు లేని
కంటి నిండా తీయటి కునుకే లేని , నాకు
ఉన్న కొద్ది వెలుతురులో
చీకట్లను పారబోసి నన్ను నిలబెడతానంటాడు
ఇంకో వైపు
నూర్గురికి తోడుండి
ఆ నూర్గురినీ చంపించిన
పిట్ట కథల మేధావి శవమింకా మూల్గుతూనే వుంది
రాలిపోతున్న నాకు
రెక్కలనిస్తానని పొగబెడుతున్నది
ఈ మట్టికే తోడబుట్టినోన్ని
సరిహద్దుల గోడ కట్టుకున్న దేశాలకు, గోడు పట్టనోన్ని !!
ప్రతీ దిక్కూ
పరువు కోసం పోరాడుతున్నది !
నన్ను దిక్కులేని వాన్ని చేస్తున్నది.
తీయని పండై ఒక కథగా మిగిలిపోకుండా
అప్పడప్పుడూ నీ నోట్లో కరిగిపోవాలనే ఉంటుంది నాకు.
--*పారువెల్ల*
తాజా వార్తలు
- రికార్డు సృష్టించిన రోనాల్డో
- త్వరలో 190 కొత్త అంబులెన్స్లు ప్రారంభం: మంత్రి సత్యకుమార్
- సోషల్ మీడియాలో వీడియో పోస్ట్ చేసిన వ్యక్తి అరెస్టు..!!
- యూఏఈ గోల్డెన్ వీసా హోల్డర్లకు కాన్సులర్ సేవలు..!!
- ప్రైవేట్ రంగంలో విదేశీ కార్మికుల నియామకంపై నిషేధం..!!
- సిద్రా మెడిసిన్లో ‘హీలింగ్ నోట్స్’ ప్రారంభం..!!
- SR21 మిలియన్ల విలువైన 39వేల రిజిస్ట్రేషన్లు రద్దు..!!
- సహామ్లో 7వేల సైకోట్రోపిక్ పిల్స్ స్వాధీనం..!!
- Android 16 ఆధారిత కొత్త అప్డేట్ వివరాలు
- విలువైన బిట్కాయిన్ సీజ్ చేసిన అమెరికా