మస్కట్‌: నార్త్‌ అల్‌ బతినా గవర్నరేట్‌ పరిధిలో 'డ్రిఫ్టింగ్‌'కి పాల్పడుతున్న ముగ్గురు వ్యక్తుల్ని పోలీసులు అరెస్ట్‌ చేశారు. ఇతరుల ప్రాణాలకు ప్రమాదం వాటిల్లేలా నిందితులు డ్రిఫ్టింగ్‌కి పాల్పడుతున్నట్లు అధికారులు పేర్కొన్నారు. విలాయత్‌ ఆఫ్‌ అల్‌ ఖబురాహ్‌లో వీరిని అరెస్ట్‌ చేశామనీ, వాహనాలతో భయంకరమైన స్టంట్స్‌ చేస్తూ ఇతరుల్ని నిందితులు భయభ్రాంతులకు గురిచేస్తున్నారని పోలీసు అధికారులు వివరించారు. అరెస్ట్‌ అయిన నిందితులలపై చట్టపరమైన చర్యలు తీసుకుంటామని అధికారులు తెలిపారు.