భారతీయ బాలిక ఒకరు, దుబాయ్‌ పోలీస్‌ నిర్వహిస్తున్న హెమాయా స్కూల్‌లో ఓత్‌ టేకింగ్‌ సెర్మానీని లీడ్‌ చేయడం అందర్నీ ఆశ్చర్యానికి గురిచేసింది. అరబిక్‌లో ఈ ఓత్‌ సెర్మానీకి ఆమె లీడ్‌ చేయడం పట్ల హర్షం వ్యక్తం చేస్తున్నారు ప్రతి ఒక్కరూ. అరబిక్‌ తన మాతృ భాష కాకపోయినా, అత్యద్భుతంగా అరబ్‌లో ఆమె మాట్లాడిన తీరుకి ఆశ్చర్యపోతున్నారంతా. హెమాయా స్కూల్‌లో నికోల్‌ విద్యనభ్యసిస్తోంది. దుబాయ్‌ పోలీస్‌ అధికారి ట్విట్టర్‌లో ఈ మేరకు ఓ వీడియో పోస్ట్‌ చేశారు. అందులో నికోల్‌, ఆమె తండ్రి కన్పిస్తున్నారు. దుబాయ్‌ పోలీస్‌ ఇచ్చిన ట్రైనింగ్‌ చాలా అద్భుతమని వారు ఈ వీడియోలో చెప్పారు. హెమాయా స్కూల్‌ తనను ఎలా మార్చిందో అందులో నికోల్‌ వివరించడం జరిగింది. దుబాయ్‌ పోలీస్‌ - మినిస్ట్రీ ఆఫ్‌ ఎడ్యుకేషన్‌, ది నాలెడ్జ్‌ అండ్‌ హ్యూమన్‌ డెవలప్‌మెంట్‌ అథారిటీ సంయుక్తంగా ఈ స్కూల్‌ని నిర్వహిస్తున్నాయి. తమ ఉద్యోగులకు ఇక్కడ ఉచితంగా విద్యను అందిస్తున్నారు.