బాలీవుడ్ బిగ్ బీ అమితాబ్ బచ్చన్ తొలిసారిగా తమిళ చిత్రంలో నటిస్తున్నారు. తెలుగులో సైరాను కంప్లీట్ చేసుకుని తమిళ చిత్రానికి కాల్షీట్లు ఇచ్చారు. తమిళవాణన్ దర్శకత్వంలో తెరకెక్కుతున్న ఉయర్నత మణిదాన్ పేరుతో ఈ సినిమాను తెరకెక్కిస్తున్నారు. ఇంకా ఈ చిత్రంలో అమితాబ్ సరసన టాలీవుడ్ బ్యూటీ రమ్యకృష్ణ నటించనున్నట్లు సమాచారం. కథా పరంగా రమ్య పాత్రకు కూడా చాలా ప్రాధాన్యత ఉంటుందట.

అందుకే ఆ పాత్ర రమ్యను వరించిందని కోలీవుడ్ వర్గాలు కోడై కూస్తున్నాయి. ఇంకా ఈ చిత్రంలో నటుడు, దర్శకుడు అయిన ఎస్‌.జె.సూర్య ఓ ముఖ్య పాత్రను పోషిస్తున్నారు. తమిళంతో పాటు హిందీలోనూ ఈ చిత్రాన్ని విడదల చేసే ఆలోచనలో ఉంది చిత్ర యూనిట్. కాగా, ప్రస్తుతం కొన్ని కీలక సన్నివేశాలను అమితాబ్‌పై చిత్రీకరిస్తున్నారు.