బహ్రెయిన్: 18 ఏళ్ళ యువకుడు రోడ్డు ప్రమాదంలో మృతి చెందాడు. ఈ ఘటనలో ఓ పోలీస్‌ అధికారి కూడా గాయపడినట్లు తెలుస్తోంది. ఇటీవలే ఆ యువకుడికి డ్రైవింగ్‌ లైసెన్స్‌ వచ్చినట్లు తెలుస్తోంది. తన వాహనంపై కంట్రోల్‌ కోల్పోయిన యువకుడు, తన వాహనంతో సహా సిమెంట్‌ బ్యారియర్‌పైకి దూసుకెళ్ళాడు. ఈ క్రమంలో ఆ వాహనం పోలీస్‌ పెట్రోల్‌ వాహనాన్ని ఢీకొనడంతో, అందులో వున్న పోలీస్‌మెన్‌ గాయపడ్డారని అధికారులు వివరించారు. షేక్‌ ఖలీఫా బిన్‌ సల్మాన్‌ హైవేపై బురి ప్రాంతంలో ఈ ప్రమాదం జరిగిందని పోలీసులు తెలిపారు.