89 కిలోమీటర్ల మేర షార్జా ఖోర్‌ ఫక్కాన్‌ రోడ్డు ప్రారంభమవుతోంది. హజర్‌ మౌంటెయిన్స్‌ మీదుగా ఈ మార్గాన్ని నిర్మించారు. 5.5 బిలియన్‌ దిర్హామ్‌ల ఖర్చుతో నిర్మించబడిన ఈ రోడ్డుతో రెండు నగరాల మధ్య ప్రయాణ సమయం 45 నిమిషాల వరకు తగ్గుతుంది. ఈ రోడ్డులో మొదటి పార్ట్‌ 65 కిలోమీటర్ల మేర వుంటుంది. ఇందులో డ్యూయల్‌ క్యారేజ్‌ వే కాగా 7.4 మీటర్ల లేన్స్‌ ఇరువైపులా వుంటాయి. 10 మీటర్ల వెడల్పైన సెంట్రల్‌ రిజర్వేషన్‌తో దీన్ని ఏర్పాటు చేశారు. 14 ఇంటర్‌సెక్షన్స్‌, ఏడు అండర్‌ పాస్‌లు, కొన్ని స్లిప్‌వేలు వున్నాయి ఈ రోడ్డులో. మరో సెక్షన్‌ 24 కిలోమీటర్ల మేర వుంది. ఈ రోడ్డులో ఐదు టన్నెల్స్‌ వున్నాయి. రెస్ట్‌ హౌస్‌, ఇతర ఏర్పాట్లు అల్‌ రుఫైస్సా డామ్‌ వద్ద ఏర్పాటు చేశారు. ఇందులో ఓ మాస్క్‌ కూడా కొలువుదీరి వుంది.