షార్జా:షార్జా మునిసిపాలిటీ రెండు నోటీసుల్ని రమదాన్‌ నిమిత్తం జారీ చేసింది. ఫుడ్‌ హైజీన్‌ అలాగే వర్కింగ్‌ అవర్స్‌ విషయమై ఈ నోటీసుల్ని జారీ చేసినట్లు మునిసిపాలిటీ అధికారులు పేర్కొన్నారు. రెస్టారెంట్లు, కెఫిటేరియాలు మరియు బేకరీల్ని మినహాయించి మిగిలిన వర్క్‌ షాప్స్‌, కమర్షియల్‌ ఎస్టాబ్లిష్‌మెంట్స్‌ వర్కింగ్‌ అవర్స్‌ పెంపుదలకు సంబంధించి ప్రత్యేకంగా అనుమతులకోసం అప్లయ్‌ చేసుకోవడం ప్రారంభించాలి. పవిత్ర రమదాన్‌ మాసం ప్రారంభానికి ముందే దరఖాస్తు చేసుకోవాల్సి వుంటుందని మునిసిపాలిటీ అధికారులు తెలిపారు. మరో నోటీసులో హైపర్‌ మార్కెట్స్‌, సక్రమ పద్ధతిలో ఫుడ్‌ స్టఫ్‌ని స్టోర్‌ చేసుకోవాలని, సప్లయ్‌ మరియు డిమాండ్‌కి తగ్గట్టుగా ఫుడ్‌ స్టఫ్‌ని అందుబాటులో వుంచేందుకు వీలుగా ఆయా ఏర్పాట్లు వుండాలని, అవసరమైన టెంపరేచర్‌లో ఫుడ్‌ ఐటమ్స్‌ స్టోర్‌ చేయాలని నోటీస్‌లో పేర్కొన్నారు.