పోలీస్‌ వేషణధారణతో ఇతరుల్ని మోసగిస్తున్నందుకుగాను ఓ వ్యక్తికి ఏడాది జైలు శిక్ష, 10,000 దిర్హామ్‌ల జరీమానా విధించింది న్యాయస్థానం. డ్రగ్స్‌ని సేవించడం, పబ్లిక్‌ సర్వెంట్‌పై దాడి చేయడం, పోలీస్‌ అధికారిలా నటించడం వంటి నేరాభియోగాలు నిందితుడిపై మోపబడ్డాయి. అధికారి వేషధారణతో ట్రక్‌ డ్రైవర్లను బెదిరించి, వారి నుంచి నిందితుడు డబ్బుల్ని తీసుకున్నట్లు అధికారులు పేర్కొన్నారు. 2018 సెప్టెంబర్‌లో నిందిడు పోలీసులకు చిక్కాడు. షేక్‌ మొహమ్మద్‌ బిన్‌ జాయెద్‌ రోడ్డుపై నిందితుడ్ని పోలీసులు అరెస్ట్‌ చేశారు. అయితే తొలుత విచారణలో నిందితుడు తన నేరాన్ని అంగీకరించలేదు.