కావలసిన పదార్ధాలు:

• పెరుగు                     - ముప్పావు లీటరు
• మొక్కజొన్న గింజలు   - 1 కప్పు
• ఉప్పు                       - తగినంత
• పచ్చిమిర్చి తురుము    - 1 టేబుల్ స్పూను
• ఉల్లి ముక్కలు            - 1 టేబుల్ స్పూను
• అల్లం తురుము           - 2 టేబుల్ స్పూన్లు
• పుదీనా తురుము        - 1 1/2 టేబుల్ స్పూను
• జీలకర్ర పొడి                - 1/2 టీ స్పూను
• ధనియాల పొడి           - 1/2 టీ స్పూను
• మిరియాల పొడి          - 1/2 టీ స్పూను
• జీలకర్ర                      - 1/2 టీ స్పూను
• నెయ్యి                      - 1/2 కప్పు

చేయు విధానం:

• పెరుగుని పల్చని బట్టలో వేసి నీళ్ళన్నీ పోయేలా చేయాలి.
• మొక్కజొన్న గింజల్ని మిక్సీలో వేసి కచ్చాపచ్చాగా రుబ్బాలి.
• బాణీలో 2 టీ స్పూన్లు నెయ్యి వేసి జీలకర్ర వేయాలి. తరువాత పచ్చిమిర్చి తురుము, అల్లం తురుము, ఉల్లి ముక్కలు, రుబ్బిన మొక్కజొన్న గింజలు వేసి వేయించాలి.
• ఇప్పుడు నీళ్ళు తీసిన పెరుగు వేసి సిమ్ లో నాలుగైదు నిమిషాలు ఉడికించి దించాలి.
• ఇప్పుడు జీలకర్ర పొడి, ధనియాల పొడి, పుదీనా తురుము, ఉప్పు వేసి కలపాలి.
• ఇప్పుడు మిశ్రమాన్ని చిన్న ముద్దలుగా తీసుకొని పట్టీల మాదిరిగా చేయాలి.
• పాన్ లో నెయ్యి వేస్తూ వీటిని రెండువైపులా కాల్చి తీయాలి.

                                                                         --- జి. లీలావతి, విజయవాడ.