ఇఫ్తార్‌ అనౌన్స్‌మెంట్‌ కోసం దుబాయ్‌ పోలీసులు రమదాన్‌ కెనాన్లు సిద్ధం చేశారు. పవిత్ర రమదాన్‌ మాసం నేపథ్యంలో ఈ కెనాన్‌ ఫైరింగ్‌ అనేది ఐదు దశాబ్దాలుగా ఆనవాయితీగా వస్తోంది. జనరల్‌ డిపార్ట్‌మెంట్‌ ఆఫ్‌ ఆర్గనైజేషన్స్‌ సెక్యూరిటీ అండ్‌ ప్రొటెక్టివ్‌ ఎమర్జన్సీ - మేజర్‌ అబ్దుల్లా తరిష్‌ మాట్లాడుతూ, కెనాన్లకు సంబంధించి తుది ఏర్పాట్లు జరుగుతున్నట్లు చెప్పారు. బ్రిటిష్‌ తయారీ 25 పిడిఆర్‌ ఎంకె1ఎల్‌ కెనాన్లు 170 డెసిబిల్స్‌ సౌండ్‌ని ఉత్పత్తి చేస్తాయి. బుర్జ్‌ ఖలీఫా సహా మన్‌ఖోల్‌, అల్‌ బరాహా, మదినాత్‌ జుమైరా, దుబాయ్‌ సిటీ వాక్‌ వద్ద ఈద్‌ ప్రేయర్‌ గ్రౌండ్స్‌ వద్ద వీటిని ఏర్పాటు చేస్తున్నారు. ఆయా అధికారులను వీటి నిర్వహణ కోసం నియమించడం జరిగింది.