అబుధాబి:14 ఏళ్ళ ఎమిరేటీ గర్ల్‌ జెనిటిక్‌ డిజార్డర్‌ సమస్యతో బాధపడుతోంది. అల్‌ అయిన్‌ హాస్పిటల్‌లో వైద్య చికిత్స పొందుతోన్న ఆమె కోరికను తెలుసుకున్న అధికారులు, ఆ కోరికను తీర్చారు. ఒకరోజు సీ ప్రిన్స్‌గా ఆమెను మార్చారు. ఆసుపత్రి నుంచి ప్రత్యేక పోలీస్‌ హెలికాప్టర్‌లో ఆమెను బీచ్‌ వద్దకు తీసుకెళ్ళారు. బాధితురాలి పేరు హలిమా. మేక్‌ ఎ విష్‌ ఫౌండేషన్‌ ద్వారా బాలిక కోరికను తెలుసుకున్నామనీ, ఆమె కోరికను తీర్చామని అధికారులు పేర్కొన్నారు. హలీమాను ప్రిన్సెస్‌లా తయారు చేసి, బీచ్‌ వద్దకు తీసుకెళ్ళడం జరిగింది. తొలుత సాధారణంగానే వున్న హలీమా, వయసు పెరగడంతో జెనిరిక్‌ డిజార్డర్స్‌ బయటపడ్డాయి. పూర్తిగా ఆమె ఇప్పుడు వెంటిలేటర్‌పై వుంది. ప్రస్తుతం ఆమెకు బ్రెయిన్‌ క్యాన్సర్‌ సోకింది. ఆమెను కాపాడేందుకు ప్రయత్నిస్తున్నట్లు వైద్యులు వెల్లడించారు.